Доган Пехлеван, авторот на карикатурата, исто така го навредувал исламот во минатото. Карикатуристот, кој ги напаѓа исламските вредности и Пратеникот Мухамед ﷺ , се најде во центарот на нов скандал. Во најновото издание на списанието „Леман“, тој објави провокативен цртеж, на кој, според јавноста, се прикажани Пратеникот Мухамед ﷺ и Пратеникот Муса (а.с.).
⚠️ Турските власти силно реагираа по објавувањето на навредлива карикатура на Пратеникот Мухаммед ﷺ во турски сатиричен магазин, што беше проследено со масовни протести и полициски апсења.
Министерот за надворешни работи на Турција, Хакан Фидан, остро го осуди „безобразното и провокациско“ дејство, за кое рече дека е напад врз светоста на исламот под маската на хумор.
„Најрешително го осудувам неморалниот и провокативен напад на нашиот Пророк ﷺ извршен под превезот на сатира. Тие што шират омраза кон нашите свети вредности и го нарушуваат општествениот мир – ќе одговараат пред правдата,“ изјави Фидан.
Во координација со неговата изјава, турскиот министер за внатрешни работи, Али Јерликаја, потврди дека е уапсен главниот уредник на списанието кое ја објавило карикатурата.
„Нема каде да се скријат од нашите безбедносни сили и правосудството. Лицето З.А., кое си дозволи да го навреди Пророкот Мухаммед ﷺ , е приведено во притвор,“ изјави Јерликаја.
Од кабинетот на претседателот Реџеп Таип Ердоган, шефот на Одделот за комуникации, Фахреттин Алтун, исто така излезе со остар став:
„Ги осудуваме овие безобѕирни објави управувани од неук круг што се претставува како сатиричен магазин. Навредите кон Повелителот на световите, Пророкот Мухаммед ﷺ, не се и не можат да бидат заштитени со слободата на изразување,“ порача Алтун.
Тој додаде дека сторителите ќе одговараат пред законот и дека ваквите напади се недозволиви.
⚡️ Како одговор на објавата, илјадници муслимани се собраа пред редакцијата на магазинот „Leman“ во Истанбул, протестирајќи и извикувајќи такбир. Протестот помина под силно полициско обезбедување.
