Муслиманскиот свет никогаш не може да остане тивок набљудувач на ситуацијата во Палестина, „соочен со овој бунт на еден тиранин, еден неверник наречен Нетанјаху“, рече Ердоган.
„Затоа, каде и да има муслиман во светот, нашето срце, нашиот ум и нашата душа се со нив. Затоа ги перцепираме сите муслимани како делови од едно тело, како заби од еден чешел, како тули од една зграда. Затоа денес сме во Палестина. Затоа денес сме во Газа. Затоа никогаш не можеме да останеме неми набљудувачи на она што се случува во Палестина – пред лицето на овој бунт на тиранин, ќафир (неверник) наречен Нетанјаху“, рече Ердоган за време на своето обраќање на отворањето на настанот по повод Мевлуд.
Мавлуд, раѓањето на пратеникот Мухамед, некои муслимани го слават на дванаесеттиот ден од исламскиот месец Раби ал-Авал.
„Ако половина од нашите срца се тука, другата половина е во Газа, во Палестина, во Јемен, Судан и Авганистан – крвавите рани на исламскиот свет. Ако даде Бог, во молитвите што ги упатуваме вечерва, нема да ги заборавиме угнетените и обесправените, каде и да живеат. Ќе ги кренеме рацете кон небото и за нив. Ќе ги намокриме и нашите сарџади со солзи за нив“, нагласи Ердоган.
Конечно, тој рече дека никој не треба да подлегне на безнадежност.
„Не сме очајни и нема да паднеме во очај. Не сме песимисти и нема да бидеме. И покрај неправдите, угнетувањето и суровоста во нашите земји, никогаш нема да подлегнеме на безнадежноста“, додаде Ердоган.
