Чејс и Ли глумеа во серијата “Ned’s Declassified School Survival Guide”, која се емитуваше од 2004 до 2007 година. Како што веста за состојбата на Чејс се ширеше во медиумите и на интернет, Ли се потруди да го пронајде и да му помогне.
Тој сподели видео на социјалните мрежи каде што може да се види како му се приближува, во придружба на полицаец, и го носи на ручек. Тие дури и комуницирале преку видео повик со уште еден колега од серијата, Девон Веркхајзер.
После тоа, Ли го однел во хотел и во описот на видеото напишал: „Тејлор Чејс и Куки повторно се сретнале со Нед преку видео повик. Добро нахранети и безбедни од дождот. Обезбедени и во хотел. Еден чекор поблиску до долгорочен третман.“
Во објава на Инстаграм во понеделник, тој детално ги опиша напорите што ги вложил за повторно да се поврзе со својот поранешен колега и да му обезбеди соба.
Ли рече дека успеал да го натера Чејс да разговара со својот татко. Тој исто така рече дека се обиделе да го хоспитализираат претходната вечер, но тој се откажал.
Ли, исто така, рече дека разговарал со мајката на Чејс, која му рекла дека давањето пари на актерот може да биде опасно. Тој, исто така, рече дека неговата мајка се обидува да го однесе на рехабилитација, но тој избира дрога бидејќи се бори со проблеми со менталното здравје.
