На видеото објавено од болницата, може да се види како лекар и бројни болнички вработени доаѓаат во неговата соба и му кажуваат дека пристигнало новото срце.
„Срцето пристигна“, објавија набрзо лекарите.
Момчето Пјетро реагираше исклучително емотивно и ги прегрна присутните, а неговите родители, кои беа во собата со него, исто така беа воодушевени од веста.
Пјетро беше едно од двете деца (другото има 6 години) кои долго време беа на листата на чекање за трансплантација. Дарежливоста на семејствата на уште две деца, нивни врсници, го направи сонот реалност. Операциите, извршени на 18 и 20 декември, поминаа добро, а децата, по неколку дена во медицински предизвикана кома, се целосно „разбудени“.
Трансплантациите ги извршија два различни тима за кардиохирургија, предводени од докторите Лоренцо Галети и Адријано Кароти.
