🇵🇸 Осуммина палестински затвореници казнети поради ‘торта’

Осуммина палестински затвореници во израелскиот затвор „Лави“ биле испратени во самица откако кај нив била пронајдена торта направена од затворениците. Информацијата ја објави израелскиот министер за национална безбедност Итамар Бен-Гвир, кој сподели и фотографија од тортата на социјалната мрежа Икс.

💬 Според Бен-Гвир, затворениците со денови издвојувале дел од својата и онака скромна храна – лажица џем и парче леб – за постепено да соберат доволно состојки и да направат торта. Со неа, наводно, сакале да го одбележат можниот изборен пораз на министерот.

💬 Бен-Гвир соопшти дека затворската управа ја открила тортата, по што затворениците биле дисциплински казнети и префрлени во самица. Во истата објава, тој ги повикал своите поддржувачи да гласаат за неговата партија.

🗳️ Изборите за израелскиот парламент се закажани за 27 октомври. Нивните резултати и последователните коалициски преговори ќе влијаат врз тоа дали Бен-Гвир ќе остане дел од владата.