На плоштадот „Омејади“ во Дамаск, Сирија, денес се одржа протест поради продолжените израелски напади врз Палестинците, јавува Анадолу.
Граѓани од различни делови на сириската престолнина се собраа со палестински знамиња и транспаренти, изразувајќи поддршка за палестинскиот народ и осуда за насилствата во Појасот Газа и на Западниот Брег.
Протестот беше организиран во време на зголемена напнатост на Блискиот Исток, додека меѓународната заедница продолжува да повикува на прекин на огнот и заштита на цивилното население.
Досега во Газа се убиени над 50.600 Палестинци, повеќето жени и деца, во бруталната израелска офанзива што започна во октомври 2023 година.
Во ноември минатата година Меѓународниот кривичен суд издаде налози за апсење на Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел се соочува и со случај за геноцид пред Меѓународниот суд на правдата за неговите постапки во енклавата.
