Палестинското движење Хамас соопшти дека ќе го ослободи израелскиот војник Александар, кој поседува и американско државјанство. Оваа одлука доаѓа по неколкудневни интензивни преговори со американската администрација.
Според соопштението на Хамас, ослободувањето на затворениците е дел од пошироки напори за постигнување прекин на огнот во Појасот Газа. Движењето бара отворање на сите премини и дозволување на хуманитарна помош да стигне до жителите на енклавата.
📣 Хамас упати благодарност до медијаторските држави – Турција 🇹🇷, Катар 🇶🇦 и Египет 🇪🇬 – за нивната клучна улога во процесот. Според израелскиот Канал 12, владата на Израел 🇮🇱 не била вклучена, ниту пак информирана за текот на преговорите меѓу Вашингтон и Хамас.
Иако не е утврден точен датум за ослободување, Хамас изрази подготвеност веднаш да започне со интензивни разговори за траен прекин на огнот и размена на затвореници.
