Министерот за надворешни работи на Турција, Хакан Фидан, за мировните преговори во Истанбул рече: „Денес беше важен ден за светскиот мир. Ќе продолжиме да вложуваме максимални напори за траен мир“, известува Анадолу.
Министерот Фидан сподели објава на својот профилот на платформата X по трилатералниот состанок Турција-Русија-Украина што се одржа во Истанбул во рамките на мировните преговори меѓу Русија и Украина.
Министерот Фидан во својата објава напиша:
„Денес беше важен ден за светскиот мир. Како резултат на интензивните дипломатски напори, руските и украинските делегации одржаа состанок во Истанбул, со Турција како олеснувач. Како резултат на состанокот, постигнат е договор за размена на 1.000 луѓе од секоја земја како мерка за градење доверба“.
Во објавата, Фидан наведе дека е постигнат договор писмено да се споделат со другата страна условите што ќе овозможат постигнување прекин на огнот и додаде:
„Страните, исто така, во принцип се согласија повторно да се состанат. Како Турција, ние ќе продолжиме да вложуваме максимални напори за да овозможиме постигнување траен мир меѓу Русија и Украина.“
