Германската крајно десничарска партија и најголема опозициска сила, „Алтернатива за Германија“ (AfD), планира да отвори претставништво во Турција преку својот фонд Desiderius Erasmus Foundation. Според турското издание t24, фондот веќе започнал да бара простор за канцеларија.
Во Германија постои традиција политичките партии да основаат меѓународни фондации за промоција на своите идеи — во Турција веќе се присутни организации на Христијанските демократи, Социјалдемократите, Либералите и Зелените. Со отворањето на канцеларија, AfD ќе стане петти германски партиски фонд во земјата.
