🇧🇪 🇹🇷 Белгиски министер: „Му се поклонив на Ататурк затоа што го укина хилафетот“

Белгискиот министер за одбрана, Тео Франкен, предизвика внимание со својот гест на поклонување пред мавзолејот на Мустафа Кемал Ататурк, основачот на модерна Турција и прв претседател на Републиканската народна партија (CHP).

Во своето образложение, Франкен изјави:

„Ататурк ја трансформираше Турција во демократска и секуларна република. Тој го укина халифатот, го отстрани религиозниот авторитет од управувањето со општеството и се фокусираше на образованието, развојот и науката. Го изразив моето најдлабоко почитување кон овој човек и неговиот политички проект со поклонување.“

Гестот доаѓа во време на зголемени дебати за улогата на религијата во државното уредување, како во Турција, така и во поширокиот регион.