Деновиве, таа го привлекува вниманието на пошироката јавност откако стана шампионка на Франција во женска конкуренција за 2025 година.
Нејзиното учество на претстојниот 40-ти Сестао Опен, кој се одржува овој викенд во Шпанија, е дополнително во фокусот на јавноста, особено поради најавените пропалестински протести поради присуството на седум израелски шахисти.
Со својот триумф на националното првенство, Јоша започна стара, но сè уште отворена дебата во шаховскиот свет, дали шахот треба да има машка и женска категорија, бидејќи физичките разлики во овој спорт не се клучни? Меѓународната шаховска федерација (ФИДЕ) засега ги одржува двата формати, но им дозволува на женските играчи да изберат категорија, а во исто време го зголемува наградниот фонд за женските натпреварувања.
Иглесијас е симбол на нова ера во шахот, а нејзината приказна е приказна за љубовта кон играта, борбата за идентитет и менталната сила. Во младоста, поради сложените односи со нејзините родители и внатрешната борба со идентитетот, таа живеела во згрижувачко семејство во јужна Русија, каде што ги усовршила своите шаховски вештини. На 18-годишна возраст, таа почнала да учи шах од помлади играчи, но дури во 2020 година го започнала процесот на транзиција, со поддршка на онлајн заедницата, каде што сега е многу активна и популарна, со повеќе од 12.000 следбеници на YouTube.
И покрај бројните навреди и критики на социјалните мрежи, особено откако јавно проговори за својата транзиција, Јоша нагласува дека токму овие напади ѝ дале ментална сила.
„Моите најдобри тренери беа луѓе кои ме навредуваа низ годините“, рече таа во интервју за „Тои спортс“.
Контроверзиите беа дополнително засилени со минатогодишната одлука на ФИДЕ со која делумно се ограничи правото на трансродовите лица да настапуваат во одредени категории, што Иглесијас го сметаше за дискриминација.
„Сметам дека е мизогинистичко и сексистички да инсинуирам дека имам физиолошка предност во однос на другите шахисти. Тоа е навредливо за жените.“
Британскиот велемајстор Најџел Шорт неодамна предизвика реакции со коментар на социјалните мрежи.
„Француската шампионка во женска конкуренција за 2025 година е биолошки маж. Што мислите вие?“, праша Шорт.
Иако неговата изјава не беше директна осуда, таа предизвика бројни реакции, како кај шахистите, така и кај јавноста.
Јоша Иглесијас, сепак, останува фокусирана на шахот. Таа практикува јога, медитира, ги сака хорор филмовите и книгите, а особено емотивен момент беше кога неодамна лично им го врачи трофејот од француското првенство на своите родители.
