Израелското Министерство за надворешни работи итно го повлече своето сочувство за смртта на папата Франциско, велејќи дека тие биле објавени „по грешка“, пишува The Jerusalem Post.
Забележано е дека по информацијата за смртта на поглаварот на Римокатоличката црква, на сметките на израелското Министерство за надворешни работи се појави единствена објава со фотографија на папата Франциско во Ерусалим и натпис: „Почивај во мир, папа Франциско. Нека е благослов неговиот спомен“.
Сега сите овие објави се избришани.
Како што се истакнува во изданието, израелскиот премиер Бенјамин Нетанјаху и министерот за надворешни работи Гидеон Сар не ја коментирале смртта на папата. Всушност, претседателот Исак Херцог беше единствениот израелски функционер кој одговори на смртта на папата, но мора да се разбере дека тој во суштина има претставнички овластувања.
Во написот се вели дека претставниците на израелската администрација особено не ја кријат причината за недостигот на сочувство од нивна страна, што е диктирана од цврстата позиција на папата Франциско за војната во Газа, која ја нарече суровост и намерно уништување на палестинските деца со помош на бомби.
Во меѓувреме, рускиот претседател и султанот од Оман се изјаснија за ослободување на Палестина од израелската окупација.
Инаку Израел се соочува со случај за геноцид пред Меѓународниот суд на правдата за неговите постапки во енклавата.
