Американскиот претседател Доналд Трамп соопшти дека Израел се согласил со клучните услови за 60-дневен прекин на огнот во Појасот Газа. Веста ја објави преку неговата платформа Truth Social, нагласувајќи дека ова е прв сериозен чекор кон завршување на војната.
„Израел се согласи со клучните услови за 60-дневен прекин на огнот. Во овој период ќе работиме со сите страни за да ја завршиме војната“, рече Трамп.
Според него, американските претставници имале „долг и продуктивен“ состанок со израелската страна, а посредници во преговорите остануваат Катар и Египет. Тие наскоро ќе ѝ презентираат конечна понуда на Хамас.
„Се надевам дека Хамас ќе го прифати овој договор заради мирот на целиот Блиски Исток. Нема да има подобра понуда – само ќе се влоши“, изјави Трамп.
📌 Според податоци објавени денес:
-
Над 56.000 палестински цивили се убиени во Газа.
-
Повеќе од 17.000 деца го загубија животот.
-
228 новинари беа намерно убиени додека ја извршуваа својата работа.
Трамп најави и средба со израелскиот премиер Бенјамин Нетанјаху во Вашингтон следната недела, на која ќе се разговара за ситуацијата во Газа и прашањата поврзани со Иран.
