Израелската наредничка Ротем Јанај (20) од градот Гив’ат Ада загина во напад на Хезболах додека се обидувала да им помогне на уште двајца ранети војници, соопшти израелската армија.
Јанај била подофицерка во 435. баталјон на бригадата „Гивати“. Израелската војска наведе дека во истиот инцидент експлодирал уште еден дрон-бомба.
Во втората експлозија биле ранети двајца резервисти, од кои едниот тешко, а другиот со умерени повреди.
Станува збор за борци од подготвителниот вод на блискиот мошав Горен, кои пристигнале да помогнат по првата експлозија на дронот. Наредничката Јанај загинала додека се обидувала да стигне до заштитен простор.
Загубите и ранувањата во израелската армија се зголемиле откако Хезболах почнал да користи дронови со оптички кабли, а неодамна демонстрирале и можност за изведување напади во текот на ноќта.
