Чеченскиот лидер, Рамзан Кадиров, ја осуди ликвидацијата на Али Хаменеј, оценувајќи дека агресорите свесно го испровоцирале Иран на одговор кој сега го вовлекува целиот регион во конфликт.
Кадиров изјави дека нападите на Иран врз американски воени бази може да се сметаат за очекуван воен одговор, но нагласи дека нападите врз цивилна инфраструктура и смртта на невини луѓе не можат да бидат оправдани.
Според него, во последните напади биле погодени и граѓани на некои земји од Блискиот Исток, меѓу кои Бахреин и Обединети Арапски Емирати. Тој истакна дека овие држави немаат воени претензии кон соседите и важат за едни од најстабилните во регионот.
Кадиров предупреди дека натамошната ескалација на конфликтот може дополнително да ја дестабилизира ситуацијата на Блискиот Исток.
