Министерството за надворешни работи на Босна и Херцеговина го осудува ракетниот напад извршен од Израел врз Државата Катар.
„Изразуваме солидарност со Катар, потврдувајќи ја поддршката за неговиот суверенитет и територијален интегритет и повикуваме на целосно почитување на меѓународното право и Повелбата на Обединетите нации“, се наведува во реакцијата на Министерството за надворешни работи на БиХ.
Тие додаваат дека Босна и Херцеговина силно се залага за мир, безбедност и стабилност во регионот.
Според последните информации, во нападот загинале пет лица, а ниту еден од нив не е член на раководството на Хамас.
