Израелскиот премиер Бенјамин Нетанјаху забрзано ги турка контроверзните законски измени со цел да ја зацврсти својата десничарска и верска коалиција пред парламентарните избори во октомври.
Меѓу предлог-законите се и ослободувањето на ултраортодоксните Евреи од задолжителна воена служба, ограничување на овластувањата на државниот обвинител и промени во регулацијата на медиумите.
Прашањето за воените ослободувања предизвика големи поделби во Израел, особено додека армијата се соочува со недостиг на персонал поради повеќефронтниот конфликт со Хамас и Иран.
Опозицискиот лидер и поранешен началник на Генералштабот, Гади Ајзенкот, ја критикуваше иницијативата, оценувајќи дека законите ја ослабуваат армијата, демократијата и судскиот систем.
Нетанјаху, според аналитичарите, се обидува да ги задржи ултраортодоксните партии како клучни партнери во владата и да спречи нивно пренасочување кон политичките ривали пред изборите.
