■ Новиот механизам за дистрибуција на помош во Газа, управуван од Хуманитарниот фонд за Газа (GHF), предизвика остри критики од ОН и хуманитарните агенции. Планот предвидува воспоставување дистрибутивни центри во јужниот дел на Израел, кои би биле чувани од израелската армија и приватни изведувачи, вклучувајќи странски платеници кои веќе се стационирани во Израел.
■ Според „Фајненшл тајмс“, иницијативата се претставува како независна и неутрална, но всушност функционира надвор од ОН, што би можело да ги истисне меѓународните агенции. Организацијата GHF беше регистрирана во Швајцарија од лице без хуманитарно искуство, а нејзината структура останува нејасна. ОН го гледа планот како покритие за присилно раселување на населението, бидејќи ограничен број центри ги принудуваат Палестинците да бегаат во Египет.
