➡ Израелското Министерство за здравство соопшти дека е зголемен бројот на заболени од западнонилска треска.
Од таму потенцираат дека во моментов во Израел од оваа болест се заразени 104 лица, од кои 68 се префрлени во болници.
⤵️ Досега во Израел од оваа болест починале осум лица. Состојбата во овој регион е толку алармантна што Комитетот за вонредни работи на израелскиот парламент одржа состанок на оваа тема.
Повеќето од пациентите во Израел живеат во централните региони, а некои живеат и во регионот Шарон.
➡ Вирусот на Западен Нил се пренесува со каснување од комарец и обично се пренесува на птици, а потоа на други животни и луѓе. Оние со основни здравствени состојби или рак и чиј имунолошки систем е ослабен се поподложни на ефектите од овој вирус.
Израелското Министерство за животна средина објави дека идентификувало комарец кој го носи вирусот во близина на аеродромот Бен Гурион.
