Принцот Турки ал-Фејсал, поранешен шеф на саудиската разузнавачка служба, во интервју за CNN изјави дека Саудиска Арабија нема да ги нормализира односите со Израел.
„Како можете да барате од Саудиска Арабија да ги нормализира односите со воен злосторник? Израелскиот премиер е обвинет за воени злосторства, а Меѓународниот кривичен суд издаде налог за апсење по него“, нагласи тој.
Ал-Фејсал, исто така, нагласи дека нормализацијата не е можна со земја која „ги окупира Западниот Брег и Голанската Висорамнина, гради нелегални населби и намерно убива невини цивили“.
