Такер Карлсон „ПРИВЕДЕН“ во Израел: Новинар „одвлечен во просторија за испрашување“ додека експлозивното интервју предизвикува дипломатска бура

Поранешниот водител на Fox News отпатувал во Тел Авив за разговор со Мајк Хакаби, кој го предизвика Карлсон да разговараат лично по нивната онлајн расправија околу односот на Израел кон христијаните.

Карлсон, кој често го критикува Израел за воените дејствија во Газа, ја прифати поканата. Но, откако критичари и произраелски активисти го нападнаа дека наводно воопшто не го напуштил аеродромот за време на кратката посета, тој откри дека бил пречекан со непријателски однос во земјата.

Карлсон ексклузивно за Daily Mail изјави дека кратко по интервјуто, израелски службеници му го конфискувале пасошот и одвеле еден негов колега на испрашување.

„Мажи кои се претставија како аеродромско обезбедување ни ги земаа пасошите, го однесоа нашиот извршен продуцент во посебна просторија и бараа да знаат за што разговаравме со амбасадорот Хакаби“, изјави Карлсон за Daily Mail.
„Беше бизарно. Сега веќе сме надвор од земјата.“

Пред интервјуто, Карлсон објави фотографија на X со својот деловен партнер Нил Пател пред аеродромот Бен Гурион, со опис: „Поздрав од Израел.“

Карлсон често го критикува Израел поради воените операции во Газа и третманот на христијаните.

Хакаби, кој го познава Карлсон повеќе од три децении и претходно работел со него во Fox News, го покани во Израел за да разговараат за нивните несогласувања.

„Штета што Такер остана на аеродромот и покрај многуте покани да посети прекрасни места. Огромна и очигледно намерно пропуштена можност“, иронично напиша Дејвид Фридман, поранешен американски амбасадор во Израел за време на првиот мандат на Трамп.

Сепак, два извора запознаени со случајот за Daily Mail изјавиле дека израелската влада првично не сакала да му дозволи влез на Карлсон, што довело до деликатни преговори со Стејт департментот.

На крајот, израелската влада решила да не му забрани влез за да избегне „дипломатски инцидент“, според извештај на Channel 13.

Портпарол на американската амбасада во Израел негираше дека Карлсон бил задржан и изјави дека тој „поминал низ истите прашања при пасошка контрола како безброј посетители на Израел, вклучувајќи го и амбасадорот Хакаби и други дипломати, како дел од вообичаената процедура при влез и излез од земјата“.

„Не е точно дека Израел сакал да му дозволи влез само за интервјуто“, додаде претставникот.
„Единствената комуникација на амбасадата со израелските власти беше координација за слетувањето на неговиот приватен авион, со цел посетата да помине без проблеми. Такер самиот избра да остане само неколку часа и да замине. И доби ист позитивен третман како и секој посетител на Израел.“

Daily Mail контактираше со Белата куќа и кабинетот на премиерот Бенјамин Нетанјаху за коментар.

Минатата недела, Карлсон на својот YouTube канал го обвини Хакаби дека не обезбедува соодветна заштита за христијаните во Израел. Хакаби одговори со покана да дојде во Израел и лично да разговараат.

„Наместо да зборуваш за мене, зошто не дојдеш да разговараш со мене?“ напиша Хакаби на X. Карлсон одговори дека ја прифаќа поканата и дека работат на организирање на интервјуто.