Турција ја засили својата политика против Израел со нова забрана за пристанишен пристап.
Според израелскиот деловен медиум Globes, товарен брод на израелската компанија ZIM бил спречен да влезе во пристаништето во Истанбул, по што бил принуден да ја промени својата рута и да се упати кон грчкото пристаниште Пиреја.
Анкара воведе целосна забрана за секоја врска со Израел – вклучително и товар што е наменет за Палестинската самоуправа. Според новите насоки, бродови што пловат под израелско знаме или се во сопственост на израелски компании воопшто не можат да се закотват во Турција.
Овој потег доаѓа во момент кога турските власти најавија построга примена на економски и логистички ограничувања кон Израел, со цел притисок за прекин на агресијата во Газа.
