Турција најостро ја осудува одлуката на израелската влада да ја прошири својата воена операција во Појасот Газа, се вели во соопштението на турското Министерство за надворешни работи на 9 август.
„Најостро ја осудуваме одлуката за проширување на воената операција во Газа, што претставува нова фаза од експанзионистичката и геноцидна политика на Израел“, нагласи Министерството.
Турското Министерство за надворешни работи соопшти дека „секој чекор што го презема радикалната влада на Нетанјаху за продолжување на геноцидот врз Палестинците и проширување на окупацијата претставува тежок удар врз меѓународното право и безбедноста, ја зголемува регионалната нестабилност и ја влошува хуманитарната криза“.
Анкара потсети дека „одржливиот мир во регионот е можен само ако се почитува меѓународното право, дипломатијата е приоритет и се заштитени основните човекови права“.
„Израел мора веднаш да ги запре своите воени планови, да го прифати прекинот на огнот во Газа и да започне преговори во рамките на решението за две држави“, се нагласува во соопштението.
Турското Министерство за надворешни работи, исто така, се обрати до меѓународната заедница и Советот за безбедност на ОН:
„Ја повикуваме меѓународната заедница да ги исполни своите обврски, а Советот за безбедност на ОН да усвои обврзувачки одлуки што ќе ги запрат постапките на Израел што го кршат меѓународното право и хуманитарните вредности.“
„Целта на овој план е да се направи Газа ненаселлива и насилно да се протераат Палестинците од нивната земја. Мора да се вложи решителен заеднички напор против ова“, се вели во соопштението.
