Тој рече дека „ние, краинските граѓани, секогаш имаме одговор на овие неправди – ние проколнуваме“.
„Но, не можам да го направам тоа бидејќи сум претседател. Тоа е сосема неразбирлив потег. Јас не сум меѓународен криминалец. Не го почитувам тој пристап. Излегува дека само јас и Нетанјаху сме забранети во Словенија. И не ми пречи друштвото со Нетанјаху“, рече Додик.
Во истото интервју, Додик ги повика сите Срби да ја казнат сегашната Влада на Словенија на следните избори и рече дека Република Српска им е на располагање на словенечките бизнисмени, и покрај санкциите.
„Ги поканувам нашите луѓе да гласаат за Јанез Јанша на следните избори и со тоа да покажат колку греши сегашната влада на Словенија“, рече Додик.
Тој истакна дека значителен број бизнисмени од Словенија работат во Република Српска и дека тој лично ги поддржува и охрабрува.
„Денес ќе им кажам дека можат да сметаат на тоа дека Република Српска ќе остане за сите нив, добро место за работа и живеење. Го ценам она што го направивме овде. Но, нивната влада не е достојна за сето тоа“, изјави Додик за РТРС.
Тој исто така рече дека има „доволно години за живот“ и дека еден ден ќе „оди во Словенија“.
„Сè уште ја почитувам Словенија како земја, како добар народ“, додаде тој.
