„Војникот снимен на видеото постапил спротивно на пропишаните процедури, пукајќи на непрофесионален начин и не ги почитувал наредбите“, напиша Шошани.
Инцидентот се случил по полноќ на 1 јануари годинава, односно на Нова Година.
Во извештајот на израелската војска се вели дека ќе се разгледа дали ќе му биде дозволено да се врати на борбени должности после тоа.
Снимката се појавува во време кога, според извештаите, расте загриженоста кај израелското воено раководство поради несоодветното однесување меѓу војниците.
Израелскиот медиум „Кан“ објави дека оваа недела Генералштабот на израелските одбранбени сили одржал сослушување за дисциплински прашања, вклучувајќи злоупотреба на оружје, непочитување на наредби и кршење на пропишаните процедури.
Се вели дека раководството на израелската армија планира дополнително да ја нагласи важноста на дисциплината кај војниците.
