По неговото апсење, студентите на Факултетот за драмски уметности во Белград објавија видео снимено претходно, во кое Марковиќ објаснува зошто се придружил на флотилата.
„Се викам Огњен и доаѓам од Србија. Ако го гледате ова видео, мојот брод е пресретнат и сум нелегално приведен од израелските окупаторски сили. Ве повикувам да извршите притисок врз Владата на Србија да бара мое итно и достоинствено ослободување и да се стави крај на соучеството во геноцидот“, рече тој.
Марковиќ бил на бродот „Адара“, кој е еден од 14-те што биле насилно преземени од израелските сили во текот на претходната ноќ.
Меѓу заробените бродови е и бродот „Алма“, на кој се наоѓаше шведската активистка Грета Тунберг. Израелските власти објавија дека сите активисти се „безбедни“ и дека се наоѓаат во едно пристаниште, иако не прецизираа на која локација.
