Рускиот претседател Владимир Путин изјави дека Русија ќе продолжи да врши тестирања на ракетниот комплекс „Орешник“, како и дека паралелно се вршат тестирања на неколку други слични системи.
– Одлуката за масовно производство на таа ракета е веќе донесена , рече Путин, додавајќи дека Русија има залихи на тие системи.
Владимир Путин му честиташе на раководството на Министерството за одбрана за успешното тестирање на системот Орешник. Тој нагласи дека сите задачи од специјалната воена операција ќе бидат остварени и исполнети.
– Ракетниот систем „Орешник“ е уште една гаранција за рускиот суверенитет и територијален интегритет – рече Путин.
Путин вечерва одржа средба со раководството на Министерството за одбрана и претставници на одбранбената индустрија.
