Јеменскиот главен град Сана денес беше погоден од израелски воздушни напади, објави телевизиската станица „Ал Масира“ контролирана од Хутите, два дена откако Хутите испукаа ракета кон Израел.
Жителите на Сана изјавија дека нападите биле насочени кон области во близина на претседателскиот комплекс, ракетни бази и електрани. Израелската војска го потврди нападот и изјави дека меѓу целите во Сана биле воениот комплекс во кој се наоѓа претседателската палата, две електрани и складиште за гориво.
Хутите во вторник изјавија дека испалиле балистичка ракета кон Израел. Претставник на израелските воздухопловни сили денес изјави дека ракетата веројатно носела неколку подмуниција „дизајнирани да детонираат при удар“. „Ова е прв пат ваков тип ракета да биде лансирана од Јемен“, рече претставникот.
