Американскиот претседател Доналд Трамп станал попозитивно настроен кон украинскиот претседател Володимир Зеленски, откако бил импресиониран од неодамнешните успеси на Украина на бојното поле, особено од нејзината ефикасност во користењето дронови и отпорноста против Русија.
Подобрените односи следуваат по повеќемесечните напори на Зеленски и европските лидери, откако претходно односите меѓу двајцата беа затегнати.
Според весникот, Трамп, кој порано сметал дека Украина ќе ја загуби војната и го критикувал Зеленски, сега го гледа како посилен лидер, а воедно станал и поскептичен кон Владимир Путин.
Трамп, исто така, покажал интерес за украинската одбранбена технологија, вклучително и производството на дронови, како и за соработка во производството на ракетите „Патриот“.
Извор: „Волстрит журнал“ (WSJ)
