📰 Само околу 30 до 35 отсто од борците на Хамас се убиени по повеќе од седум месеци израелски операции во Појасот Газа, изјавија американски разузнавачки извори за Политико.
Според Политико, повеќето од борците кои биле членови на палестинското движење пред нападот на 7 октомври во јужен Израел се уште се живи, иако бројот на загинати во Газа достигна над 35.000 мртви, главно жени и деца.
Покрај тоа, околу 65 отсто од тунелската инфраструктура на Хамас останува недопрена, велат изворите на Политико, а се вели дека илјадници нови членови биле регрутирани во групата во последните месеци.
Извештајот доаѓа кога Вашингтон станува сè позагрижен за одржливоста на наведената цел на Израел да ја уништи палестинската група.
