Според првичните информации има загинати и повредени откако маж со автомобил влетал во толпа луѓе на уличен фестивал во канадскиот град Ванкувер, известува Анадолу.
Полициската управа на Ванкувер на платформата X објави соопштение во врска со инцидентот.
Во соопштението се наведува дека според првичните извештаи, има загинати и повредени кога возач со своето возило влетал во толпа луѓе на уличен фестивал на филипинската заедница околу 20:00 часот по локално време.
Се истакнува дека возачот на возилото е приведен, но не се дадени детални информации за бројот на загинати и повредени лица.
На социјалните мрежи се објавени снимки на кои се забележува дека на земја лежат најмалку 7 повредени лица.
