Ердоган одржа заедничка прес-конференција со неговиот индонезиски колега Прабово Субианто во главниот град Анкара
– Турскиот претседател Реџеп Таип Ердоган денес изјави дека Анкара ќе продолжи да работи заедно со Индонезија за обнова на Газа и одбрана на палестинската кауза, јавува Анадолу.
Изјавата на Ердоган дојде за време на заедничката прес-конференција со неговиот индонезиски колега Прабово Субианто во главниот град Анкара.
Турскиот претседател го поздрави и ставот на Индонезија за палестинското прашање.
Во однос на билатералните односи, Ердоган рече дека тој и Прабово ги оцениле чекорите што може да се преземат за зголемување на трговијата меѓу двете земји до нивната заедничка цел од 10 милијарди долари „на избалансиран начин заснован на взаемна корист“.
