Туркије ги засилува напорите за помош во 11 провинциите погодени од земјотресите со јачина од 7,7 и 7,6 степени според Рихтер
10:00 Туркије: Во рамки на истрагата за уривање на зградите по земјотресот приведени 171 лице
Министерот за правда на Република Туркије, Бекир Боздаг, изјави дека 171 лице се приведени во рамките на опсежната истрага започната за уривањето на бројни згради по разорните земјотреси што на 6 февруари ги погодија јужните региони на земјата со епицентар во Кахраманмараш.
Боздаг за ТВ каналот „Си-ен-ен Турк“ (CNN Turk) од Дијарбакир изјави дека цела Туркије е мобилизирана по земјотресот и дека највисоките претставници на државата ги посетиле погодените региони.
Тој истакна дека Државното обвинителство води истрага за уривањето на зградите и дека се работи на откривањето докази за сите одговорни лица.
„Во рамки на истрагите за земјотресот досега се преземени правни дејствија против 583 осомничени лица, издадени се налози за апсење за 171 лице, издадени се одлуки за судски контроли за 197 лица“, рече Боздаг.
Тој нагласи дека се работи на откривање на одговорноста на сите, од изведувачот до сопственикот на објектот, инспекторите, работниците и мајсторите.
„Засега гледаме дека од 171 приведено лице, 78 се изведувачи на работите, а 64 се надзорници, 11 се сопственици на згради, а 18 се лица кои извршиле измени на зградите“, рече турскиот министер за правда.
08:40 Спасувачкиот тим на Пакистан повика на меѓународни напори за рехабилитација по земјотресот
Пакистанскиот тим за пребарување и спасување изрази солидарност со народот на Туркије и ја повика меѓународната заедница да зачекори напред и да и помогне на земјата.
„Нивото на уништување е над капацитетот на една земја“, изјави мајорот Матин, водач на 33-члениот тим за урбано пребарување и спасување во пакистанската армија, неколку моменти пред да полета назад дома по 17-дневна операција во југоисточната провинција Адијаман. .
Пофалувајќи ја турската влада и цивилната администрација за доброто менаџирање со ситуацијата по земјотресот, тој рече:
„Поради нивото на уништување, меѓународната заедница треба да излезе и да им помогне на овие луѓе. Навистина им треба вашата помош“.
07:40 Дендијас: Постземјотресната клима нуди простор за продолжување на дијалогот со Туркије
Климата што се појави по земјотресите во Туркије на 6 февруари ѝ дозволува на Атина да го обнови дијалогот со Анкара, рече грчкиот министер за надворешни работи Никос Дендијас.
„За мене, главна задача во моментов не е изнаоѓање решенија, тоа е заштита на (позитивната) клима“, изјави Никос Дендијас за грчката ТВ Скај, подвлекувајќи дека сега преовладува позитивна клима во билатералните односи благодарение на придонесите на двете страни.
„Сакам да се задржам на позитивниот дел: дека во моментов има одлична клима. Во рамките на оваа клима, мислам дека можат да се изградат унифицирани пристапи за исклучително тешки прашања.
