Ал Џезира објави снимка од нападот врз два израелски оклопни транспортери извршен од Бригадите Ал-Касам, военото крило на Хамас, во вторникот во градот Кан Јунис во јужниот дел на Појасот Газа .
Според снимките до кои дојде Ал Џезира, операцијата е спроведена во областа во близина на џамијата Али бин Аби Талиб во Кан Јунис, а во нападот се употребени две експлозивни направи од типот „Шаваз“ и „Федајин“.
Имало рафални интензивни истрели пред напаѓачите да се појават – сред бел ден – на само неколку метри од транспортерот. Еден од нив поставил експлозивна направа во едно од возилата, а потоа се повлекол иако бил целосно изложен и без никакво засолниште.
Во исто време, друг борец детонирал експлозивна направа на втор оклопен транспортер, кој бил оддалечен само неколку метри од првиот. И двата оклопни транспортери експлодираа речиси истовремено, а двајцата напаѓачи ги снимаа запалените возила додека се повлекуваа од местото на нападот. Едниот од нив се заколна дека повторно ќе се врати.
На видеото се гледа израелски војник како стои до еден од оклопните транспортери, неспособен да се помрдне. Се гледа и хеликоптер како лета над областа, очигледно пристигнувајќи за да ги евакуира ранетите.
Седуммина загинаа, меѓу кои и еден офицер
Во акцијата загинаа еден офицер и шест војници, додека голем број војници беа ранети. Израелската армија не беше во можност да го изгасне пожарот што избувна на оклопно возило откако еден од борците на Ал-Касам постави експлозивна направа на возилото.
Воени пожарникари беа испратени на местото на настанот за да се обидат да го изгаснат запаленото возило, но не беа во можност да направат ништо, објави Израелското воено радио.
Исто така, бил донесен булдожер Д9 кој го покрил транспортерот со песок во обид да го локализира пожарот, но сите обиди за негово гаснење биле неуспешни.
Поради оваа ситуација, на терен беше донесена одлука оклопниот транспортер да се одвлече додека сè уште беше во пламен. Прво беше одвлечен до улицата Салах ал-Дин во Кан Јунис, а оттаму надвор од Појасот Газа, додека седумте војници сè уште беа во возилото.
Според Израелското воено радио, оклопниот транспортер не бил исклучен сè додека не стигнал во Израел. Спасувачките сили и хеликоптери биле повикани на местото на настанот, но ниту еден од војниците не преживеал и никој не бил спасен од военото возило.
Коментирајќи го инцидентот, израелските медиуми објавија изјава од висок воен офицер кој рекол дека снимката од заседата на Ал-Касам во Кан Јунис е срамна и го нарушува угледот на израелската војска.
