„IPC штотуку објави „по мерка“ измислен извештај кој одговара на лажната кампања на Хамас. Неверојатно, IPC ги искриви сопствените правила и ги игнорираше сопствените критериуми само за да произведе лажни обвинувања против Израел. IPC го промени својот глобален стандард, намалувајќи го прагот од 30 проценти на 15 проценти само за овој извештај и целосно игнорирајќи го својот втор критериум за стапката на смртност, единствено за да ѝ служи на лажната кампања на Хамас“, соопшти министерството.
Тие истакнуваат дека „нема глад во Газа“.
„Над 100.000 камиони со помош влегоа во Газа од почетокот на војната, а во последните недели огромниот прилив на помош го преплави Појасот со основни прехранбени производи и предизвика нагло опаѓање на цените на храната на пазарите“, додадоа тие во соопштението.
Тие ја обвинија IPC дека лаже.
„Секоја прогноза што ја даде IPC во врска со Газа за време на војната се покажа како неоснована и целосно лажна. И оваа проценка ќе биде фрлена во ѓубрето на политичките документи“, заклучија тие.
