Овој модел на доброволна воена служба го предложи министерот за одбрана Борис Писториус, а главно се базира на доброволна служба и не вклучува веднаш задолжителна регрутација.
Сепак, законот вклучува одредба што дозволува повторно воведување на задолжителна служба ако бројот на волонтери се покаже како недоволен.
Во овој поглед, германската влада има за цел да го зголеми бројот на припадници на вооружените сили на најмалку 260.000 активни членови и дополнителни 200.000 резервисти.
Главната целна група се Германци на возраст од 18 до 25 години, при што сите германски државјани во оваа возрасна група од 2026 година ќе пополнуваат прашалници за тоа дали сакаат да служат во Бундесверот.
Пополнувањето на прашалникот ќе биде задолжително за мажи, а доброволно за жени. Почнувајќи од 1 јули 2027 година, сите 18-годишници ќе мора да се подложат на лекарски преглед за да се утврди нивната способност за воена служба, дури и ако не одлучат да волонтираат.
Од друга страна, германската армија уверува дека изминатата 2024 година била рекордна во однос на бројот на нови цивилни приеми со над 20.000 кандидати, што е раст од 31 процент во споредба со 2023 година.
