Кирк е познат на јавноста по своите конзервативни изјави и ставови, кои ги промовираше во својот подкаст, како и на митинзите на студентската група „Turning Point USA.“.Според американските медиуми, Кирк бил ранет во вратот.
Потпретседателот на САД, Џ.Д. Венс, ги повика американските граѓани да се молат за здравјето на Чарли Кирк, а американскиот претседател објави на социјалната мрежа Truth: „Сите мора да се молиме за Чарли Кирк“.
Кирк е страствен поддржувач на политиките на Доналд Трамп уште од почетокот на неговата кампања, поради што долго време се сметаше за еден од најпопуларните политички активисти во САД.
Неговата популарност најдобро се кажува преку бројки, па така Кирк има 5,2 милиони следбеници на X и 7,3 милиони следбеници на TikTok.
