(ВИДЕО) Познати личности обединети за Газа, вклучувајќи го и Килијан Мерфи: Мора да ја кажеме вистината во име на Палестинците

Многу познати личности изразија поддршка за палестинскиот народ и повикаа на прекин на огнот во Газа како дел од кампањата „Заедно за Палестина“.

Меѓу нив се Килијан Мерфи, Хавиер Бардем, Пенелопе Круз, Хоакин Феникс, Били Ајлиш, Брајан Кокс, Шерон Хорган, Стив Куган, Ени Мек и други.

Тие направија видео во кое изјавија: „Заедно за Палестина“. Брајан Кокс рече: „Мора да ја кажеме вистината во име на народот на Палестина“.

Фотографката и активистка Нан Голдин изјави дека улогата на уметникот во општеството отсекогаш била јавно да зборува и да презема ризици со тоа што ќе им ја каже вистината на властите.

Спотот беше објавен пред вчерашниот концерт „Заедно за Палестина“ што се одржа во Лондон на арената „Вембли“. Меѓу изведувачите беа Бастил, Џејмс Блејк, Палома Фејт, Џејми xx и ПинкПантерес, како и палестинските музички ѕвезди Сама Абдулхади, Сент Левант и Елјана.

На настанот, исто така, говорници беа актери како Флоренс Пју, Никол Кофлан и Бенедикт Камбербач, како и други значајни личности како што се водителот Мехди Хасан, фудбалерот Ерик Кантона и Франческа Албанезе, специјалната пратеничка на ОН за Палестина.

Организатор на настанот е британскиот музичар Брајан Ино, кој исто така настапи. Сите собрани пари ќе бидат донирани на палестински организации.