Како што рече Стивен Чунг, портпарол на Белата куќа, Трамп ќе продолжи „да шири мир, да ги запира војните и да спасува животи“.
„Тој има срце на хуманитарец и никогаш нема да има човек како него кој може да поместува планини со силата на својата волја“, напиша тој.
Во својата реакција, администрацијата на Трамп упати и директни критики до Норвешкиот Нобелов комитет, кој ја доделува наградата.
„Тие ја ставаат политиката пред мирот“, напиша Белата куќа.
Да ве потсетиме дека иако голем број луѓе го номинираа Трамп, наградата на крајот ѝ припадна на Марина Корина Мачадо, венецуелска опозициска политичарка.
Така беше препознаена нејзината посветена и долгогодишна работа во борбата против репресивните режими во Венецуела, прво против Уго Чавез, а потоа и против Николас Мадуро.
Поради нејзиниот активизам, таа мораше да го напушти јавниот простор во август претходната година, а кога се појави во јавноста за прв пат по неколку месеци во јануари 2025 година, полицијата на Мадуро пукаше во нејзиниот автомобил и се обиде да ја уапси.
