Повеќе од 800 лекари и медицински работници од Велика Британија потпишаа отворено писмо до британската министерка за надворешни работи, Ивет Купер, со барање за итна интервенција за ослободување на познатиот палестински педијатар Хусам Абу Сафија.
Абу Сафија беше директор на болницата „Камал Адван“ во северниот дел на Газа – последната функционална болница во тој дел од Појасот, пред да биде приведен од израелската војска во декември 2024 година.
Активистите за човекови права од „Амнести интернешнл“ тврдат дека докторот се наоѓа во притвор без обвинение и судење повеќе од 550 дена, додавајќи дека неговите адвокати пријавиле траги од тешко малтретирање.
Британските медицински работници предупредуваат дека случајот со Абу Сафија не е изолиран и тврдат дека од октомври 2023 година стотици палестински здравствени работници биле приведени, додека здравствениот систем во Газа е сериозно оштетен.
Извор: Amnesty International / британски медицински работници
