Пензионерите, синдикатите и социјалните организации одржаа марш пред зградата на Националниот конгрес во Буенос Аирес, главниот град на Аргентина, со барање за зголемување на пензиите и подобрување на условите за живот, известува Анадолу.
Генералната конфедерација на трудот, една од најголемите работнички конфедерации во земјата, им се приклучи на демонстрациите, протестирајќи поради владините политики на штедење.
– За денес закажан трет генерален штрајк
За денес во Аргентина е закажан трет генерален штрајк против политиката на претседателот Хавиер Милеи на повик на главниот синдикат во земјата.
Штрајкот ќе трае 24 часа и се очекува да ги парализира возовите, авионите, банките и училиштата. Штрајкувачите протестираат поради буџетските заштеди што ги најави Милеи.
Во период од 16 месеци, колку што претседателот Милеи е на власт, ова е трет генерален штрајк.
Инфлацијата во Аргентина, која изнесуваше 211 отсто, за 12 месеци падна на 66 проценти, но сиромаштијата се зголеми за 52,9 отсто.
