По повеќе од една деценија прекинати врски, денес се реализираше првиот патнички лет од главниот град на Сирија, Дамаск, до турскиот мегаполис Истанбул.
Летот го управува сириската национална авиокомпанија Syrian Air, а според сириските воздухопловни власти, ова е првиот редовен комерцијален лет помеѓу двата града од 2012 година.
Дипломатските и транспортните врски меѓу Сирија и Турција беа прекинати во 2012 поради избувнувањето на конфликтот во Сирија. Денешниот лет претставува значаен чекор кон повторно воспоставување на цивилните и дипломатските канали меѓу двете земји. 
