Бени Сабти, израелски новинар кој соработува со i24 и Channel 12, предизвика бурни реакции откако наводно напиша дека „можеби на САД им е потребен уште еден Перл Харбор или уште еден 11 Септември“ за да сфатат дека Израел е нивниот вистински пријател.
Според објавите на социјалните мрежи, Сабти подоцна ја изменил пораката, но претходните верзии останале видливи, што дополнително ја поттикнало контроверзијата.
Кој е Бени Сабти?
Бени Сабти е роден во Иран во 1972 година, а во 1987 година се преселил во Израел. Служел во израелската армија, каде што главно се занимавал со истражување на иранската култура, нејзиното влијание врз процесите на одлучување и медиумите. Тој учествувал и во создавањето на персиски медиумски платформи на израелската армија, наменети за директна комуникација со иранската јавност.
Неговите наводни изјави предизвикаа бројни критики на интернет, при што многумина ги оценија како шокантни и неприфатливи.
