Саемот беше свечено отворен со обраќање на претседателот на Република Турција, Реџеп Таип Ердоган, кој испрати јасна порака за важноста на одбранбената индустрија како клучен фактор за стабилност, безбедност и соработка меѓу сојузниците.
ИДЕФ претставува водечка платформа за размена на идеи, технологии и воспоставување нови партнерства со значајни меѓународни чинители во сферата на одбраната и безбедноста.
Во рамки на саемот, министерот Мисајловски оствари значајни средби, меѓу кои и со претседателот на Турската агенција за одбранбена индустрија, г. Халук Ѓоргун. Разговорите беа насочени кон можностите за заеднички проекти, размена на знаење и технолошка поддршка во процесот на модернизација на македонската армија.
Дополнително, на билатералната средба со министерот Гулер беше разговарано за унапредување на одбранбената соработка преку заеднички вежби, обуки и размена на експертиза – со цел јакнење на безбедносната стабилност и оперативната подготвеност.
Турција останува еден од најблиските и најдолгорочни пријатели на Република Македонија. Двете земји, како сојузнички членки на НАТО, континуирано демонстрираат силна солидарност и партнерство, особено во клучни моменти за регионалната и глобалната безбедност.
Нашата држава останува посветена на инвестиции во современи решенија и сојузништва што ја зацврстуваат нејзината безбедност и ја потврдуваат позицијата на Македонија како кредибилен и стабилен партнер.
