„Сакам да ја намалиме американската финансиска поддршка, односно финансиската компонента на воената соработка што ја имаме, на нула“, рече Нетанјаху во емисијата „60 минути“ на Си-Би-Ес њуз.
Сепак, тој исто така вели дека е апсолутно вистинско време за евентуално редефинирање на финансиските односи меѓу Соединетите Американски Држави и Израел.
„Не сакам да чекам до следниот Конгрес. Сакам да почнам сега“, изјави тој.
Израел долго време имаше двопартиски консензус во Конгресот на САД за воена помош, но поддршката од пратениците и јавноста се намали од почетокот на војната во Газа во октомври 2023 година.
Според анкетата спроведена во март од страна на истражувачкиот центар Пју, американска непрофитна организација, 60 проценти од возрасните Американци имаат негативен став кон Израел, додека 59 проценти имаат мала или никаква доверба во Нетанјаху дека ќе ги донесе правилните одлуки во врска со светските прашања. И двата процента се зголемија за седум процентни поени во споредба со претходната година.
Нетанјаху рече дека влошувањето на поддршката за Израел е во корелација со речиси 100 проценти со геометрискиот раст на социјалните мрежи. Тој додаде дека неколку земји, кои не ги именуваше, ги манипулирале социјалните медиуми на начин што сериозно му наштетил на Израел, иако тој лично не верува во цензура.
На прашањето дали е можно да се собори иранскиот режим, Нетанјаху одговори:
„Дали е можно? Да. Дали е гарантирано? Не“.
