За време на натпреварот од Европското првенство во ватерполо помеѓу Србија и Израел, на трибините беше снимена сцена која го привлече вниманието на јавноста. Имено, еден од гледачите го покажа знамето на Палестина, кое набрзо беше отстрането од страна на редарите.
Овој детаљ предизвика различни реакции кај присутните, но не влијаеше на самиот тек на натпреварот.
Српските ватерполисти го победија Израел со резултат од 19:9 и го обезбедија првото место во групата Ц на Европското првенство во Белград.
Србија е прва во групата со осум бода, пред Шпанија со шест, Холандија со еден, додека Израел нема бодови.
Следува втората фаза од првенството, во која трите првопласирани екипи од Групата Ц се среќаваат со Групата Д.
Српската репрезентација пренесе пет бода во новоформираната Е група, еден помалку од Унгарија, Шпанија и Црна Гора имаат по три, Холандија еден, а Франција нема бодови.
Србија ќе има дуели со Франција, Унгарија и Црна Гора, а двете првопласирани селекции ќе се пласираат во полуфиналето.
