Во интервју за Vijesti.ba, претседателот на СДА, Бакир Изетбеговиќ, откри детали од разговорот со турскиот претседател Реџеп Таип Ердоган. Според него, Ердоган испратил јасна порака до Милорад Додик и Александар Вучиќ дека „нема да дозволи повторување на крвавите сценарија во Босна и Херцеговина“ од 1990-тите години. Дополнително, Ердоган ќе го информира и американскиот претседател Доналд Трамп за моменталната ситуација во БиХ.
Изетбеговиќ откри и дека престојувал во една арапска земја која ветила дека ќе ги насочи своите капацитети кон лобирање за интересите на Босна.
Во однос на Милорад Додик, Изетбеговиќ изјави дека „на долги патеки не може да ги надвладее институциите“ и дека го чека процес со „санкција по санкција, пресуда по пресуда, веројатно и потерница по потерница“.
