Руска блогерка за патувања ги предупреди своите сонародници да не се преселуваат во Израел, споделувајќи негативни искуства во својот блог „Like Travel Travel“ на платформата Зен.
Таа раскажала дека нејзини пријатели се преселиле во израелскиот град Нахарија, надевајќи се дека лесно ќе се адаптираат бидејќи таму имале роднини. Сепак, реалноста била многу поинаква и, како што вели, тие останале длабоко разочарани.
Еден од најголемите проблеми бил изнајмувањето стан. Освен високите цени, често добивале одбивања без никакво објаснување.
„Агентите и сопствениците им се насмевнуваа и велеа дека сè е во ред, а потоа преку агентот добиваа одбивање без причина“, напишала блогерката.
Според неа, киријата за обичен стан со комуналии започнувала од околу 120.000 рубљи месечно. Дополнителен проблем било тоа што многу станови немале централно греење, па луѓето во зима биле принудени да носат јакни и во домот.
Таа посочила и дека без познавање на хебрејскиот јазик и локално работно искуство е речиси невозможно да се најде добра работа. Најчесто, странците можеле да добијат само тешки и ниско платени физички работи.
„Моите пријатели имаа добар живот во Русија и повисок стандард. Не дојдоа во Израел за да преживуваат“, навела блогерката.
Како дополнителни проблеми ги споменала бавната бирократија, високите трошоци за живот и, според неа, недоверливоста кај дел од луѓето, кои често давале ветувања што подоцна не ги исполнувале.
„Ако некој во Русија живеел нормално — одел во кафулиња, патувал, купувал облека и штедел пари — во Израел лесно може да се најде во ситуација каде што животот му се сведува само на преживување“, заклучила таа.
Во текстот се споменува и трагичен случај на тинејџер од Русија кој извршил самоубиство во Израел, наводно поради малтретирање поврзано со неговото име и акцент.
