Прекрасни и необични сцени од Мека. Човек да не поверува дека камењата и голите пустински ридови околу Мека можат вака да се разеленат! Кога живеев во Медина, морав неколку пати да ги видам овие сцени, кои изгледаат многу поимпресивно во реалниот живот отколку на сликите.
Во хадисот се вели: „Нема да дојде Судниот ден… додека земјата на Арапите не стане повторно зелена и низ неа повторно нема да почнат да течат реки“. (Сахих Муслим)
А кога ќе ги погледнеме овие фотографии направени деновиве, овој хадис често веднаш ни паѓа на памет. Меѓутоа, толкувањето на овој хадис дека се однесува на такви сцени е сосема несоодветно. Со други зборови, ваквото зеленило во хадисот не е наменето како знак на Судниот ден, поради следните две работи:
Првиот е самиот хадис, кој вели: „и додека реките повторно не протечат низ арапската земја“, а тоа не се случи; односно пороите што се појавуваат по обилните дождови не се нарекуваат реки, бидејќи река е нешто што тече повеќе од неколку дена.
Второ, ова е сцена која е релативно честа и Куранот укажува на тоа во стихови како овој:
„А од знаменијата Негови е и тоа што ти, навистина, ја гледаш земјата сува. Па, кога Ние ќе и спуштиме вода таа, веднаш, ќе роди. Оној што ја оживува – Оживувач е на мртвите. Тој, навистина, е Кадар(Моќен) за сè!“. (сура Фуссилет)
Арапите имаа можност да видат слични сцени кога се објавуваше Куранот додека тие го негираа Пратеникот, с.а.в.с., и животот после смртта. Како што знаеле дека дождот „оживува“ мртво растение, треба да знаат дека Аллах кој дава дожд може сè, а тоа значи дека лесно може да ги оживее луѓето на Судниот ден и затоа треба да верувате во Него и со добри дела подгответе се за Судниот ден. Тоа би била врската помеѓу овие прекрасни сцени и Куранот, односно откровението. А Аллах најдобро знае.
Русмир Чоковиќ, Медина – Саудиска Арабија, јануари 2023 година
