Првичните извештаи покажуваат дека 47 лица се повредени во силна експлозија во пристаништето во местото Бандар Абас на брегот на Персискиот Залив во јужен Иран, чија причина сè уште е непозната, известува Анадолу.
Во изјава за иранската државна телевизија, Хосеин Касеми, портпаролот на Организацијата за вонредни состојби во Хормузган, изјави дека според првичните извештаи, 47 лица се повредени во експлозијата што се случила во пристаништето Шахид Раџаи Шехр во Бандар Абас.
Мехрдад Хасанзаде, генерален директор на Управата за управување со кризи во Хормузган, изјави дека сè уште се во тек напорите за гаснење на пожарот што избувна по експлозијата во пристаништето.
Истакнувајќи дека експлозијата е последица на експлозија на некои контејнери во пристаништето, Хасанзаде додаде дека во инцидентот има повредени.
Според вестите објавени во локалните медиуми, од силата на експлозијата е оштетена зграда во пристаништето, а скршени се и прозорците на околните згради.
